Mér hafa alltaf þótt stjórmál leiðinleg en ég held að stjórnmálamenn í dag slái öllu við! Kóngurinn er að sjálfsögðu Halldór "Boring" Ásgrímsson. Það dugar bara að sjá hann þá sofnar maður hvort maður sé standandi eða sitjandi. Ingibjörg Sólrún virðist hafa fest á sig fýlusvipinn. Olíukrimmakellingin orðin forseti alþingis og ég sem hélt að það væri ekki hægt að toppa Halldór Blöndal! Og þingmálin sem er verið að kynna þessa dagana! Frjálslyndir sem hafa ekki eingöngu týnt einum þingmanni heldur líka fylginu, hafa það helst á stefnuskránni að kanínuveiðar verði gefnar frjálsar! Sjáið þið ekki fyrir ykkur veiðimennina í öskjuhlíð skjótandi allt sem hreyfist! Jeminneini!!! Árni Matt orðinn fjármálaráðherra og helsta stjarna sjálfstæðisflokksins er Gísli Marteinn. Hmmm er ekki kominn tími á að stoppa aðeins og reyna stokka aðeins uppí málunum núna? Verst að öllum finnst þingmannastarfið orðið svo ómerkilegt starf að jafnvel þótt menn séu í fríi hálft árið þá eru eingöngu, ja hvað getur maður kallað þá svo maður verði ekki settur í rannsókn hjá ríkislögreglustjóra? Læt ykkur um að finna nöfnin!
Annars er allt á fullu í vinnunni þessa dagana og maður sér lítið af Tensai þar sem bókin hennar er að koma út. Minni á útgáfuteitið á laugardag, það er skyldumæting!
3 comments:
Já ég sé lítið af elsku Rokkaranum mínum þessa dagana, er nefnilega að vinna að því að verða fræg og svona.
Ég keypti kjúkling sem verður örugglega hellingur eftir af í kvöld, en þú mátt koma við í Bónus og kaupa Lucky Charms :)
Mér þykur nú vera orðið mikið að gera á heimilinu þegar fólk er farið að skipuleggja kvöldmatinn á blogginu!
En ég get ekki verið meira sammála Hammer um þessa pólitíkusa. Og þó að eitt fíflið hætti (sbr. Davíð Oddsson) þá kemur bara annað í staðinn ekki skömminni skárra. Verst af öllu er samt já-é-geri-allt-sem-ónefndi-maðurinn-segir-nei-ég-hef-engar-sjálfstæðar-skoðanir-gengið í Sjálfstæðisflokknum. Sigurður Kári, Birgir Ármanns, Gunnlaugur Þór og svo Gísli Marteinn. Hvað fær fólk með fulla skynsemi til að kjósa þessa moðheila?
Jú Grumpa eins og ástandið er núna á heimilinu veitir sko ekki af að skipuleggja sig á blogginu :-)
Ég man aldrei hver er hvað af þessum gaurum sem þú nefndir því þeir klæðast allir sömu fötunum, bera sama falska brosið og þegar maður hlustar á einn þá heyrir maður sama suðið og þegar maður fer að hugsa hvað þeir sögðu er niðurstaðan alltaf sú sama: ekki neitt!
Post a Comment